İslam İnqilabının Böyük Rəhbəri inkişafın İslami-İrani nümunəsinin hazırlanmasını son dərəcə böyük, uzunmüddətli, dərin və iftixar dolu bir iş adlandırıb və deyiblər: İslami-İrani inkişaf nümunəsinin hazırlanması üçün lazım olan başlıca məqamı inkişaf və onun ziyalılar arasına nüfuz etməsi habelə, ictimailəşdirilməsi adlandırıblar.
Həzrət Ayətullahülüzma Xamenei bazar ertəsi günü İnkişafın İslami-İrani Nümunəsinin Yaradılması Ali Şurasının üzvləri ilə görüşdə deyiblər: İslami-İrani İnkişaf nümunəsinin yaradılması həqiqətdə İslam İnqilabının məhsulu və İslam təfəkkürünə əsaslanan yeni bir sivilizasiyanın formalaşdırılması mənasındadır.
O həzrət hazırda dünyanın Qərb sivilizasiyası və inkişafının təsiri altında olduğuna işarə edərək, deyiblər: Belə bir şəraitdə İslami-İrani inkişaf nümunəsinin hazırlanması cürət, şücaət və güclü iradə tələb edir.
İslam İnqilabının Böyük Rəhbəri düşüncə və təfəkkürü bu hərəkətin əsas ruhu adlandırıb və bu uzunmüddətli prosesin islahatlara açıq olduğunu bildirərək, deyiblər: Bu prosesdə tələsik addım atmaqdan çəkinmək, yeni təcrübələr və gənc istedadlardan faydalanmaq lazımdır ki, hərəkətverici qüdrət heç vaxt səngiməsin.
Həzrət Ayətullahülüzma Xamenei gənc alimlər və istedadlı insanların nano və nüvə texnologiyaları mərkəzlərindəki geniş iştiraklarına işarə edərək, deyiblər: Gənclərə etimad etmək lazımdır. Çünki, gənclərin həvəsi tükənməzdir.
İslam İnqilabının Böyük Rəhbəri İslami-İrani inkişaf nümunəsinin hazırlanmasında İslam prinsiplərinin əsas qərar verilməsini zəruri adlandırıb və deyib: Bu nümunənin hazırlanmasında İslam prinsiplərindən dəqiq və geniş formada istifadə edilməlidir. Həmçinin, bu xüsusda heç bir mülahizə və ya digər məsələ nəzərə alınmamalıdır.
Həzrət Ayətullahülüzma Xameni din elmləri mərkəzlərinin bu sahədəki potensiallarına işarə edərək, deyiblər: İslami-İrani inkişaf nümunəsinin hazırlanmasında təfəkkür, elm, mənəviyyat və yaşam kimi 4 əsas prinsipə əsaslanmaq lazımdır. Amma, bu 4-ü arasında “təfəkkür” digərləri ilə müqayisədə daha üstün mövqeyə malikdir.