BMT və Ərəb Liqasının Suriya məsələləri üzrə xüsusi nümayəndəsi xəbərdarlıq edib ki, Suriyaya silah göndərmək yalnız bu ölkədəki böhranın kəskinləşməsinə səbəb olur.
Əxzər İbrahimi BBC xəbər televiziyası ilə müsahibədə xəbərdarlıq edib ki, Suriyaya əlavə silah göndərmək yalnız bu ölkədəki böhranın kəskinləşməsi ilə nəticələnir.
Suriya böhranının həll yolu barəsində hərbi seçimi tamamilə rədd edən İbrahimi deyib: Suriyada qarşıdurmaların başlanmasından qarşıdurma tərəflərindən hər biri bir müddət olaraq döyüşlərdə üstün olub. Lakin bu üstünlük davamlı olmayıb. Hal-hazırda Suriyada vətəndaş müharibəsi gedir və vətəndaş müharibəsi siyasi həll yolları ilə həll olunmalıdır.
Əxzər İbrahimi sözünü davam etdirib: Suriya böhranının həll yolu hərbi seçim deyil və Suriya böhranı yalnız siyasi həll yolu ilə sona çatmalıdır.
Suriyada qarşıdurma tərəflərinə silah göndərməyin yalnız müharibə odunun daha da alovlanması ilə nəticələndiyini deyən İbrahimi bir daha silah göndərməyin qarşıdurmaların davamlı olmasına səbəb olduğunu bildirib.
BMT-nin xüsusi nümayəndəsi deyib: Həll yolu tamamilə şəffafdır. Silah göndərmək toqquşmaların sona çatması ilə nəticələnmir. Suriyada bütün toqquşan tərəflər üçün silah göndərmək prosesi dayandırılmalıdır və hazırda ehtiyac duyulan məsələ odur ki, Suriyada siyasi həll yolunu mümkün etmək üçün əlavə səylər göstərmək lazımdır.