İran səfiri: İran səfirliyi işçilərindən bir neçəsinin Bakıdan çıxmasının səbəbi, onların vizalarının etibarının bitməsidir

İranın Azərbaycan Respublikasındakı səfiri bildirib ki, İran səfirliyi işçilərindən bir neçəsinin Bakıdan çıxmasının səbəbi, onların vizalarının etibarının bitməsi olub.

Möhsün Pak Ayin Azərpress xəbər agentliyinə deyib ki, İran səfirliyinin dörd işçisi hazırda İranda yeni viza almağı gözləyir.

Pak Ayin qeyd edib ki, onlar diplomat deyil və sadəcə səfirliyin işçiləridirlər.

Pak Ayin deyib: Biz bu məsələnin müzakirə yolu ilə həll olunmasını istəyirik.

Azərpress həmçinin Pak Ayinə istinadla xəbər verib ki, İranda qanunsuz fəaliyyətlərə görə həbs olunmuş Azərbaycan R-nın iki vətəndaşı- Xalidə Xalid və onun sürücüsü- Şamxal Hüseynov hazırda zindanda deyillər.

O deyib ki, Xalidə Xalid ilə Azərbaycan R-da həbs olunmuş Mikayıl Kazeminin həbsləri arasında heç bir əlaqə yoxdur.

İran səfiri söyləyib: Mikayıl Kazemi beş ay bundan qabaq həbs olunub və bunun İranda həbs edilmiş Azərbaycan R. vətəndaşı ilə heç bir əlaqəsi yoxdur. Mən Mikayıl Kazeminin həbsinin detallarını Xalidə Xalid məsələsinin həllindən sonra şərh edəcəyəm.