Fələstinin Qanunvericilik Məclisinin sədri heç bir fələstinli şəxs və ya qurumun “fələstinli didərginlərin qayıdış haqqı”nı görməməzliyə vura bilməyəcəyini deyib.
Ərrisalə internet portalının məlumatına görə, Əziz Devik deyib: fələstinli didərginlərin öz doğma yurdlarına qayıdışları fələstinlilərin qanuni haqqıdır və Fələstin Özünü İdarə Təşkilatının sədri Mahmud Abbas bu haqqı görməməzliyə vura bilməz.
Devik əlavə edib: Fələstinli didərginlərin qayıdış haqqına göz yummaq fələstinlilərin torpaqlarının işğalı ilə razılaşmaq və Fələstinin İsrail tərəfindən işğalına boyun əymək mənasındadır.
Fələstinin Qanunvericilik Məclisinin sədri əlavə edib: Mahmud Abbas bundan öncə bildirmişdi ki, anadan olduğu Sefd şəhərinə qayıtmayacaq. Buna görə də belə bir şəxsdən fələstinli didərginlərin qayıdış haqqına göz yummasını gözləmək heç də yersiz deyil. Çünki, belə bir şəxs fələstinli didərginlərin qayıdış haqqına da asanlıqla göz yuma bilər.
Mahmud Abbas fevralın on altısında Ramallahda sionist rejim universitetlərində təhsil alan üç yüzə yaxın tələbə ilə görüşdə İsraili fələstinli didərginlərlə doldurmaq niyyətində olmadığını demişdi.