Zülfüqar Mikayılzadə: Təhsildə çoxlu problemlər mövcuddur

Təhsil nazirinin dəyişdirilməsinə münasibət bildirən ilahiyyatçı Hacı Zülfüqar Mikayılzadə deyib : “Təhsildə rüşvətxorluq, süni şəkildə yaradılmış hicab məsələsi də var.

Zülfüqar Mikayılzadə əlavə edib: İstəyirik və Allaha dua edirik ki, yeni nazirin təyin olunması ilə uzun illərdir yığılıb qalmış belə neqativ hallar aradan qaldırılsın, bütün məsələlər müsbət həllini tapsın. Çünki ölkənin təhsil sektoru bütün sahələrdən daha yaxşı inkişaf etməlidir, ölkədə yaxşı beyin mərkəzləri yaradılmalıdır. Təhsil Nazirliyinin fəaliyyəti birbaşa Azərbaycanın gələcəyi ilə bağlıdır. Ölkənin sabahı təhsilimizin inkişafından asılıdır. Ümid edirik ki, yeni nazirin fəaliyyəti təhsil sektorunda olan boşluqları aradan qaldıracaq və ölkəmizin sağlam, rəqabətli gənc nəslin inkişafına böyük töhfə verəcək.”