Tehranın cümə namazı xitabətçisi bütün islami İranda mübarək Fəcr ongünlüyü günlərində əzəmətli mərasimlərin keçirilməsini vurğulayıb.
Tehranın cümə namazı xitabətçisi- Ayətullah Seyid Əhməd Xatəmi mübarək Fəcr ongünlüyünü əziz tutaraq, deyib: İran İslam Respublikasının banisi- İmam Xomeyni(rə)-in rəhbərliyi altında İslam İnqilabının qələbəsi İran xalqı üçün 57 il din ilə mübarizə qarşısında dinin hakimiyyəti, habelə istiqlaliyyət və azadlığı müjdə gətirdi.
Ayətullah Xatəmi həmçinin Amerika rəsmilərinin, o sıradan həmin ölkənin prezidenti- Barak Obama və dövlət katibi- Con Kerrinin İrana qarşı hədələrinə işarə edərək, vurğulayıb: Bu hədələr daha təsirsiz olub və İran xalqı müqavimət mədəniyyəti ilə həmin səviyyədə onlara cavab verəcəkdir.
Tehranın cümə namazı xitabətçisi bildirib: İslam İnqilabının Böyük Rəhbəri dəfələrlə buyurublar ki, İran İslam Respublikası atom bombası düzəltmək ardınca deyil. O, deyib: Amerika Yaponiyanın Xirosima və Naqasaki şəhərlərini bombardman etməklə on minlərlə nəfəri qətli-am etdi.
Ayətullah Xatəmi bəşəriyyətin gələcəkdən nigaran olmasına işarə edərək, belə qeyd edib: Bəşəriyyət üçün gələcək təhlükə, Amerika və sionist rejim təhlükəsidir.
Tehranın cümə namazı xitabətçisi Livan Hizbullahını bir terror qrupu bilən Amerikanı tənqid edərək, deyib: Livan Hizbullahı terrorçu qrup deyil, zira şərəflə Livan torpağını işğalçı İsrail rejimi qarşısında müdafiə edir.
Ayətullah Xatəmi habelə beynəlxalq Cenevrə-2 konfransının uğursuz qalmasına işarə edərək, söyləyib: Suriya böhranının həll yolu, Amerika və onun mürtəce ərəb müttəfiqləri tərəfindən Suriyadakı terrorçu və təkfirçi qruplar üçün silahın göndərilməməsidir.
Tehranın cümə namazı xitabətçisi Misirdəki hazırkı olaylar barədə xəbərdarlıq edərək, deyib: Bu ölkədəki hərbçilər bir daha “Namübarək dövrü”nü təkrar və Misiri bir daha İsrail rejiminin nüfuz dairəsinə daxil etmək niyyətindədirlər.
Tehranın cümə namazı xitabətçisi habelə Ali-Xəlifə rejimi tərəfindən Bəhreyn Din Alimləri Şurasının buraxılmasını tənqid edərək, vurğulayıb ki, Bəhreyn rejiminin din və İslamla problemi var və bu rejim Bəhreyn xalqına qarşı bu zülmlərlə qalası deyildir.