Yüzlərlə vəhhabi İslam Peyğəmbəri(s.ə.s)-in səhabələrindən olan Cəfər Təyyarın İordaniyanın cənubundakı məqbərəsinə hücum edərək, oranı yandırıbdır.
Suriyada İslam Peyğəmbəri(s.ə.s)-in səhabələrindən olan Hücr ibn Ədinin qəbrinin Cibhətün-Nüsrə adlı terrorçu qruplaşma üzvləri tərəfindən açılmasından 2 gün sonra, bu dəfə vəhhabilər bu gün İordaniyanın cənubunda Əl-Kərək məntəqəsində İmam Əli(ə)-ın qardaşı- Cəfər ibn Təyyarın məqbərəsinə hücum edib və oranı yandırıblar.
Cibhətün-Nüsrə terror dəstəsi ötən cümə axşamı günü Hücr ibn Ədinin məzarını dağıdıb.
Vəhhabilərin müsəlmanların müqəddəs məkanlarına və peyğəmbərin səhabələrinin məzarlarına qarşı bu çirkin hücumları İslam Dünyasının qəzəbinə səbəb olub.
Müsəlmanlar Səudiyyə vəhhabilərinin təhrikedici fitvaları və çıxışlarını səhabələrə qarşı bu kimi çirkin hərəkətlərin başlıca amili hesab edirlər. Necə ki, Səudiyyə vəhhabilərindən olan Abdulla Əttərki son günlər şiələrə qarşı yönəlmiş mənfur bir hərəkətdə İmam Əli(ə)-ın məzarının dağıdılması və o həzrətin qəbrinin açılmasını istəyib.