Suriya prezidenti bu ölkədə hərbi əməliyyatlarda uşaqlardan istifadənin cəzalandırılması barədə yeni qanunu elan edib.
Bəşşar Əsəd hərbi əməliyyatlarda 18 yaşından aşağı uşaqlardan istifadənin cəzalandırılması haqda yeni qanun təqdim edərək, bu cinayət üçün 20 ilədək həbs cəzası təyin edib.
Yeni qanuna görə, uşaqlar hərbi əməliyyatlarda iştiraka görə, daimi zədələr alar və ya cinsi cəhətdən zorlanar, yaxud da uşaqlara narkotik və ya bu qəbildən olan təhrikedici maddələr verilərsə, cani üçün əbədi həbs cəzası təyin ediləcəkdir. Hərbi əməliyyatlarda uşaqların ölmələri ilə əlaqədar günahkarlar edama məhkum ediləcəklər.
