İran İslam Respublikası Xarici İşlər Nazirliyinin sözçüsü ABŞ Dövlət Departamentinin Tehranın terrorizmi himayə etməsi üzrə ittihamını pisləyib və onu beynəlxalq sülh və təhlükəsizliyi hədələyən amil adlandırıb.
Mərziyyə Əfxəm bu gün ABŞ Dövlət Departamentinin terrorizmlə əlaqədar illik hesabatını rədd edərək bildirib: İran sənədli və inkar olunmaz faktlara əsasən ötən üç dekadada terrorizmin ən böyük qurbanı olmuşdur.
“Ötən üç dekadada terrorizmin ən böyük qurbanını terrorizmi himayə etməkdə suçlamaq reallıqlardan yayınmaqdır və dünyanın bu önəmli mövzusu ilə tamamilə ikili meyarlar və siyasi xarakterli strategiyaya əsasən davranılır” –deyə Əfxəm bildirib.
ABŞ Dövlət Departamentinin terrorizm barəsindəki illik hesabatı çərşənbə günü yayımlandı və bu hesabatda dünyada terrorçu qrupların yaranmasında Vaşinqtonun rolu görməməzliyə vurulub.
– See more at: http://azeri.sahartv.ir/news/iran-ab%C5%9F-d%C3%B6vl%C9%99t-departamentinin-illik-hesabat%C4%B1na-reaksiya-verdi-23068#sthash.wbQ6GlSr.dpuf