Suriyanın baş naziri Vail əl-Həlqi yaranmış gərgin vəziyyətə görə ölkəni tərk edən suriyalılardan istəyib ki, vətənə geri dönsünlər.
əl-Həlqi Nazirlər Kabinetinin həftəlik iclasında deyib: Hökumət ölkəyə qayıdan vətəndaşları mənzil ilə təmin etməyə hazırdır.
O daha sonra deyib: Suriya bütün suriyalıların evidir və dövlət bütün vətəndaşları qəbul etməyə və onları münasib yerdə məskunlaşdırmağa hazırdır.
BMT-nin didərginlər üzrə agentliyi cari ayın əvvəllərində suriyalı didərginlərin acınacaqlı vəziyyəti ilə bağlı xəbərdarlıq etmiş və bildirmişdi ki, suriyalı didərgin uşaqlar, əsgər uşaqlar olaraq işləməyə məcbur edilir və ya onlar cinsi istismara məruz qalırlar.
Bu hesabatda həmçinin bildirilib ki, mütəşəkkil cinayətkar qruplar və Əsəd hökuməti ilə müxalif olanlar suriyalı didərginlərdən öz maraqları üçün sui-istifadə edirlər.