Şpigel qəzeti Edvard Snovdenin ifşa etdiyi sənədlərə istinadla İngiltərənin OPEK-ə qarşı casusluq fəaliyyətlərindən xəbər verib.
ABŞ-ın Milli Təhlükəsizlik Agentliyinin sabiq əməkdaşı Edvard Snovden tərəfindən ifşa edilmiş məxfi sənədlərə görə İngiltərə və ABŞ-ın casusluq təşkilatları OPEK-in Vyanadakı baş qərargahına nüfuz edərək, bu təşkilatın əməkdaşlarından 9-nun kompüterlərindən casusluq ediblər.
Bu sənədlərdə həmçinin deyilir: ABŞ-ın Milli Təhlükəsizlik Agentliyi OPEK-in Vyanadakı katibliyindən casusluq edib.
Şpigel əlavə edib: Bu casusluq təşkilatları “Linkedin” kimi xüsusi hazırlanmış internet saytları vasitəsilə gizli şəkildə OPEK-in Vyanadakı katibliyində yerləşən kompüterlərə casusluq proqramları yükləyib və bu yolla həmin kompüterlərdən məlumatlar sızdırmağa başlayıblar.