Şimali Atlantik Alyansı NATO Rusiyaya qarşı yeni məhdudiyyət tətbiq edib.
Almaniya İnformasiya Agentliyinin məlumatına görə, Şimali Atlantik Alyansı NATO bazar ertəsi günü bir bəyanatda bildirib ki, Rusiyanın NATO-dakı nümayəndəliyinin bütün üzvlərinin bu alyansın Brüsseldəki qərargahına sərbəst şəkildə girişi qadağan olunub.
Bu qərar Ukrayna böhranına görə Rusiya ilə əməkdaşlıqların dayandırılması üçün NATO-nun ötən həftəki qərarının ardınca verilib.
NATO son vaxtlara qədər bir çox məsələlər, o cümlədən narkotik maddələrlə mübarizə əməliyyatları, Əfqanıstanda vertolyotların təmiri və saxlanılması, terrorizm və dəniz oğurluğu ilə mübarizə üçün Rusiya ilə müştərək proqramlarda əməkdaşlıq edirdi.