Azərbaycan Republikasının Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupu müxtəlif növ narkotik vasitələrin «qara bazar»da topdan və pərakəndə satış qiymətini açıqlayıb.
APA-nın məlumatına görə, Dövlət Komissiyasının İşçi Qrupu tərəfindən hazırlanan «Azərbaycan Respublikasında narkotiklərə nəzarət sahəsində 2013-cü il üçün ölkə məruzəsi»ndə qeyd edilir ki, 2014-cü il yanvarın 1-ə qədər «qara bazar»da 1 kq həşişin topdan satış qiyməti minimum 3 min dollar, maksimum 4 min dollar, 1 kq tiryəkin topdan satış qiyməti minimum 5 min dollar, maksimum 7 min dollar, 1 kq marixuananın topdan satış qiyməti minimum 6 min dollar, maksimum 8 min dollar, 1 kq heroinin topdan satış qiyməti isə minimum 15 min dollar, maksimum 20 min dollar olub.
«Qara bazar»da 1 kq həşişin pərakəndə satış qiyməti minimum 8 min dollar, maksimum 10 min dollar, 1 kq tiryəkin pərakəndə satış qiyməti minimum 10 min dollar, maksimum 15 min dollar, 1 kq marixuananın pərakəndə satış qiyməti minimum 10 min dollar, maksimum 15 min dollar, 1 kq heroinin topdan satış qiyməti isə minimum 40 min dollar, maksimum 60 min dollar təşkil edib.
Azərbaycan Republikasının Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupu əlavə edib ki, heroinin pərakəndə satış qiymətinin çox yüksək olması isə təsadüfi deyil.
Hesabatda qeyd edilib ki, son illər Avropada narkotik istifadəçiləri daha çox heroin və kokaindən istifadə edirlər.
Azərbaycan Republikasının Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupu əlavə edib : “2010-2011-ci illərdə Avropa ölkələrində narkotik vasitələrin dövriyyəsində bir sıra dəyişikliklərin baş verməsi nəticəsində «qara bazar»da heroin çatışmazlığı müşahidə olunur. Buna səbəb həm də Əfqanıstanda əkin sahələrinin yararsız hala düşməsi olub. Lakin 2012-ci ildə bu sahələrin yenidən münbitləşməsi nəticəsində heroin və kokainin Avropa bazarına daşınması kütləvi hal alıb. Əfqanıstanda bu cür əkin sahələrinin ərazisi hazırda 131 min hektardır. Bu isə 2011-ci ilə nisbətən 11 faiz çoxdur. Ümumiyyətlə, dünya bazarına çıxarılan narkotik vasitələrin 95 faizini əfqan narkotiki təşkil edir.”
Qeyd edək ki, Əfqanistan terroçuluq ilə mübarizə bəhanəsi adı altında ABŞ tərəfindən işqal olunandan sonra narkotik maddələrin istehsalı və qaçaqmaçılığı bir neçə dəfə artıb.