İran İslam Respublikası və 5+1 Qrupu arasında 7 noyabr 2013-cü il tarixində Cenevrədə start götürən növbəti nüvə müzakirələri bu gün də davam edir.
İran İslam Respublikasının xarici işlər naziri və baş nüvə müzakirəçisi Cenevrədə İRNA müxbiri ilə müsahibədə deyib: İran və 5+1 Qrupu arasındakı ortaq anlaşmanın icrasına zəmanət hər iki tərəfin xoşməramlılığıdır.
Məhəmməd Cavad Zərif əlavə edib: məqsəd bu gün müzakirələrin sonunda ilk addımdan son addıma kimi bütün addımları əhatə edəcək müştərək bir mətnin hazırlanmasıdır ki, icra mərhələsində ilk addımın atılmasına zəmin yaradılsın.
Zərif əlavə edib: Sanksiyalar mövzusu mühüm mövzulardandır və müxtəlif mərhələlərdə diqqətə alınmalı, aradan qaldırılmalıdır. Amma, hazırkı həssas mərhələdə layihənin detallarına daxil olmaq olmaz və gələcək müzakirələrdə elə bir şərait yaradılmalıdır ki, sanksiyalar ləğv edilsin.
Avropa Birliyinin xarici siyasət üzrə məsul şəxsi Maykl Man da İran və 5+1 Qrupu arasındakı müzakirələrin birinci gününü müsbət dəyərləndirib və irəliləyişin olduğunu bildirib.
ABŞ dövlət katibi Con Kerri də cümə günü bildirib ki, Cenevrədə İranın xarici işlər naziri Məhəmməd Cavad Zərif və Avropa Birliyinin xarici siyasət üzrə məsul şəxsi Katrin Aşton ilə üçtərəfli görüşü olacaq.
Fransa Xarici İşlər Nazirliyi də bildirib ki, bu ölkənin xarici işlər naziri Loren Fabius İranın nüvə işi ilə bağlı müzakirələrdə iştirak etmək üçün bu gün Cenevrəyə səfər edəcək.