Amerikada yağan qar 25 nəfərin ölməsinə və 500-dən çox hava reysinin ləğv edilməsinə səbəb olub.
Amerikanın şərq və cənub ştatlarında yağan qar nəticəsində ölənlərin sayının 25 çatması və təyyarə uçuşlarının ləğv edilməsi ilə yanaşı, 600 mindən çox abunəçi işıqsız qalıb. Deyilənlərə görə bu, ötən bir neçə onillikdə görünməmiş hadisə sayılır.
Bu məlumata görə, həddən artıq çox qarın yağması ilə əlaqədar Merilend, Virciniya və Qərbi Virciniya ştatlarının yerli rəsmiləri fövqəladə vəziyyət elan etmək məcburiyyətində qalıblar.
Həmçinin, ötən gün Vaşinqtonda dövlət idarələrinin fəaliyyəti dayandırılıb və hətta, Ağ Ev və Dövlət Departamenti də öz iş proqramlarını ləğv etməyə məcbur olublar.