ABŞ Konqresinin müsəlman konqresmeni İrana qarşı sanksiyaları tənqid edərək Tehran və Vaşinqton arasında birbaşa müzakirənin aparılmasını istəyib.
Amerikalı konqresmen Kit Elison əl-Manitor xəbər portalı ilə müsahibədə İran və ABŞ prezidentləri arasında birbaşa müzakirənin keçirilməsini istəyib.
Elison 2006-cı ildə ABŞ Konqresinin üzvü olan ilk müsəlman olub.
Minnesotanın bu qaradərili nümayəndəsi son vaxtlar Qəzzədə də olmuşdur.
İrana qarşı sanksiyaların əleyhdarlarından olan Elison bildirir ki, ABŞ hökuməti Yaxın Şərqdə, eləcə də dünyada tərksilah üçün proqram təqdim etməlidir.
