Avropa Birliyinin Suriya hökumətinə qarşı savaşan terrorçulara silah çatdırılmasını qadağan etməsi Qətərin nigaranlığına səbəb olub.
Səhər kanalı internet portalının əl-Aləm kanalına istinadlı məlumatına görə, Qətərin baş naziri və eyni zamanda xarici işlər naziri olan Şeyx Həməd bin Casim bin Cəbər Ali-Sani Avropa Birliyinin bu hərəkətini yanlış adlandıraraq deyib: Qiyamçılara silah çatdırılmasının qadağan edilməsi Suriyada böhranın daha da uzanmasına səbəb olacaq.
O, əl-Cəzirə kanalı ilə müsahibədə deyib: Suriya böhranının sonda Suriya xalqının qələbəsi ilə nəticələnəcəyindən əmin olsam da, Suriya xalqı Avropa Birliyinin bu qərarına görə əlavə əziyyət çəkməli olacaq. Zira, Suriyada insan tələfatının hər gün daha da artdığının şahidiyik.