Azərbaycanın Sankt-Peterburqdakı Baş Konsulluğu qarşısında piket

Azərbaycanın Sankt-Peterburqdakı (Rusiya) Baş Konsulluğu qarşısında bir qrup şəhər sakini piket keçiriblər.

Aksiya azərbaycanlı əsilli iş adamı Vaqif Məmişov tərəfindən şəhərdəki keçmiş Farforov qəbiristanlığının ərazisinin bir hissəsində ticarət-əyləncə mərkəzinin tikintisinə etiraz olaraq təşkil olunub.
Aksiya zamanı xoşagəlməz hadisə baş verib. Belə ki, iki naməlum şəxs piketdə iştirak edən bir yaşlı qadına yaxınlaşaraq onun plakatını cırıblar və onun üstünə süd töküblər. Rusiyanın KİV-i bu şəxslərin azərbaycanlı olduğu barədə məlumatlar yayıblar.