Bir amerikalı ekspert deyib ki, ABŞ-ın Əsəddən sonra Suriyanın gələcəyi üçün heç bir proqramı yoxdur. Buna görə bu ölkədə müharibəyə girişməsi gözlənilmir.
Obama hökumətinin siyasətlərinə qarşı olan ABŞ ekspertləri və ziyalıları öz işlərini itirmək qorxusu ilə, xüsusilə də sionist lobbinin nüfuzunda olan müəssisələrdə fəaliyyətlərlə məşğul olarlarsa, açıq-aşkar şəkildə fikir bildirə bilməzlər.
Bununla əlaqədar Obama hökumətində qərar dairələrinin ekspertlərindən biri Suriyada ABŞ-ın geniş müdaxiləsi hay-küyündən təəccüblənərək deyib: Fərz olaraq Əsədi devirək, Suriyanın daxili parametrlərinə görə, kim hökumət edəcək? Yüz minlərlə əsgəri yerləşdirməklə əl-Qaidəni tam şəkildə məğlub edə bilməyən ABŞ-ın İraqdakı 8 illik təcrübəsində müşahidə olunur ki, bu ölkəni tərk etdikdə İraqın bir çox hissəsi terrorçuların əlində idi.
Bu şəxsin açıqlaması elə bir haldadır ki, ABŞ Müdafiə Nazirliyinin bir rəsmisi bildirib ki, ABŞ dəniz qüvvələrinə aid bir neçə esmines hazırlıq vəziyyətinə gətirilib və Ağ Evin Suriyaya hücum üçün fərmanını gözləyir. O bildirib ki, bu esmineslər Suriyaya hücum etməklə yanaşı İsraili də müdafiə etmək qabiliyyətinə malikdirlər.
