Bərdə rayon sakini Əhmədov Səccad dekabr ayının 13-ü axşam radələrində polis bölməsinə çağırılıb, səbəb kimi isə, guya “Səccadın nömrəsindən başqasına zəng olunub” və qarşı tərəfin də şikayətçi olduğu göstərilib.
Azadxeber.net saytına daxil olan məlumata görə, dünən məhkəmə keçirilib və Səccada 15 sutka həbs cəzası verilib.Lakin məlumatı verən və adı çəkilən şəxsi yaxından tanıyan şəxslərin bildirdiyinə görə, o, birbaşa dini fəaliyyətinə görə həbs olunub.
Qeyd edək ki, Əhmədov Səccad hal-hazırda tələbədir və Bərdəyə ailə qurmaq üçün hazırlıqlar görmək məqsədi ilə gəlibmiş.