Mayın 9-da ermənilər Şuşanın ələ keçirilməsinin 21-ci ilini qeyd edirlər.
Bu mərasimdə Ermənistan prezidenti Serj Sərkisyan işğal altındakı Dağlıq Qarabağa gedib.
Sərkisyan Xankəndidə və Şuşada keçirilən bayram mərasimlərinə qatılıb.
Ermənistan prezidentinin iştirakı ilə bu gün Şuşada təsviri incəsənət muzeyi açılıb.
Sərkisyan əvvəlki 5 illik prezidentliyi dövründə Dağlıq Qarabağa 13 dəfə səfər edib.
Bu belə bir haldadır ki, Azərbaycan Respublikası Prezidenti İlham Əliyev təhlükəsizlik məsələlərinə görə döyüş bölgələrinə çox az səfər edir.
Ermənistan Prezidentinin bu gün DQ-ya səfər etdiyi halda Azərbaycan Respublikası Prezidenti məhz bu gün Bakıda faşizm üzərində qələbənin 68-ci ildönümü münasibətilə təntənəli mərasimdə iştirak edib.
Prezident İlham Əliyev Sovet İttifaqı Qəhrəmanı Həzi Aslanovun abidəsi önündə İkinci Dünya müharibəsi veteranları ilə görüşüb, mərasimdə iştirak edən Rusiya Dövlət Dumasının deputatları ilə bir araya gəlib. Mərasimə baş nazir Artur Rasizadə, Milli Məclisin sədri Oqtay Əsədov, Prezident Administrasiyasının rəhbəri Ramiz Mehdiyev və digər rəsmi şəxslər qatılıblar.
İkinci Dünya müharibəsində Azərbaycanın 640 mindən çox oğul və qızı cəbhəyə yola salınıb. Onların təxminən yarısı döyüşlərdə həlak olub.
Bu müharibədə iştirak üçün Azərbaycanın 130-dan çox vətəndaşı Sovet İttifaqı Qəhrəmanı adına layiq görülüb.
Müharibə illərində Sovet İttifaqında hasil olunan neftin dörddə üç hissəsi, aviasiya benzini və yüksək keyfiyyətli motor yağlarının 85-90 faizi Azərbaycanın payına düşüb.
İndiki dövrdə isə DQ işqal altında olduğu halda Azərbaycan Respublikasında hasil olunan neftin böyük hissəsi müsəlman Fələstin xalqı ilə savaşda olan sionist rejim İsrailin istifadəsinə ötürülür.