İranın Xarici İşlər Nazirliyi nəhs terrorizm fenomeni ilə mübarizə aparmaq üçün regional və beynəlxalq səviyyədə təsirli və hərtərəfli əməkdaşlığa təkid edib.
İran İslam Respublikasının Xarici İşlər Nazirliyi cümə günü bir bəyanat yayaraq, Livan hökuməti xüsusilə də bu ölkənin hərbi və təhlükəsizlik strukturlarına İran səfirliyi yaxınlığında baş vermiş son terror aktı amillərinin aşkar və həbs edilməsindəki qətiyyətli davranışlarına görə təşəkkür edib və bildirib ki, ölkələr və regionun təhlükəsizliyini qorumaq habelə, region ölkələrini bürüməkdə olan nəhs terrorizm fenomeni ilə mübarizə aparmaq üçün əməkdaşlıq yeganə doğru seçimdir.
Bu bəyanatda deyilir: sionist rejim və bəzi dar düşüncəli düşmənin əlində bir alətə çevrilən mənfur və cahil terrorçuların Livanda sabitlik, təhlükəsizlik və milli birliyə zərbə vurmaq istədiyi hazırkı həssas və tarixi dönəmdə İran İslam Respublikası Livan xalqı və dövlətinin kənarında dayanaraq, onları himayə edir.
İranın Xarici İşlər Nazirliyinin bəyanatında həmçinin deyilir: İran hazırkı həssas dönəmdə təkfirçi terrorçuların və onları himayə edən sionist dairələrin fitnələrinə qalib gəlmək üçün Livan xalqı və dövlətinə hər cür dəstək verməyə hazırdır.
İranın Xarici İşlər Nazirliyi daha sonra vurğulayıb: Şübhəsiz terrorizm ilə mübarizədə uğur qazanmaq üçün, terror amillərinin habelə, onların himayədarlarının və təşkilatçılarının aşkar edilməsi və cəzalandırılması istiqamətində qətiyyətli və təsirli addımlar atmaq lazımdır.
İranın Xarici İşlər Nazirliyinin bəyanatında həmçinin deyilir: İran İslam Respublikası ümidvardır ki, Livanın əlaqədar qurumları və orqanlarının tədbirli davranmaları sayəsində terror amilləri ən qısa zamanda Livanın ədalət məhkəməsində yol verdikləri cinayətlərə görə mühakimə ediləcək və onları siyasi baxımdan dəstəkləyən və maliyyələşdirən tərəflər də regionda və dünyada rüsvayçılıq ilə üzləşəcəklər.