Əllamə Təbatəbayinin 20 cildlik Əl-Mizan təfsirinin azəri dilinə mütərcimlər qrupunun sədri Hacı Yusif Bağırzadə Birlik.az saytı ilə müsahibədə deyib: Əl-Mizan təfsirinin 4-cü cildinin çapı sona çatıb və bu əsərlə maraqlananlar dini kitab satan mağazalardan bu kitabı əldə edə bilərlər.
O həmçinin qarşıda olan çətinliklər haqda da deyib: Ümumilikdə məzmun və möhtəva baxımından Əl-Mizan təfsiri çox ağırdır. Amma kitabın tərcüməsi, redaktəsi və çapında bəzi texniki işlər mövcud idi ki, Allahın lütfkarlığı ilə bu məsələlər də aradan qaldırıldı və 4-cü cildin tərcüməsi çapa göndərildi. İnşallah cari ilin sonuna qədər Əl-Mizan Təfsirinin 5-ci cildi də çap ediləcək.
Əl-Mizan Təfsirinin mütərcimlər qrupunun sədri sözlərinin davamında deyib: Hal hazırda Əl-Mizan Təfsirinin 6-cı, 7-ci və 8-ci cildlərinin tərcüməsi həyata keçirilməkdədir və gələn il hər 3 cildin də çap edilməsini proqramlaşdırmışıq.
O sonra deyib: hər il Əl-Mİzan Təfsirinin 3-4 cildini çap etmək istəyirik.