Bəzi Livan mənbələri Livan ordusunun əməliyyatından sonra Əbra Seyda məntəqəsinin fitnəkar şeyxinin yeni gizli məlumatlarını ifşa ediblər.
Çıxılmaz vəziyyətə düşən Əhməd əl-Əsirin qaçması və öz tərəfdarlarını tək qoyması əməliyyatında sələfi şeyxi Samir əl-Rafinin müdaxiləsindən söhbət açılır.
Bəzi mənbələr Əhməd əl-Əsirin gizləndiyi Bilal İbn Riyah məscidi daxilində çoxlu silah-sursatın aşkarlandığını, Suriya və digər ərəb ölkələrinin vətəndaşlarından silahlı şəxslərin əl-Əsirin tərəfində toplaşdıqlarını və onlara mənzillər və çoxlu miqdarda vəsaitin verildiyini bildirirlər.
Məlumatlara görə, bu həqiqətlər ordunun əl-Əsirin təhlükəsizlik sahəsinə girişindən sonra bəlli olub.