İraq Daxili İşlər Nazirliyinin sözçüsü bu ölkədə terrorçu Əl-Qaidə şəbəkəsi başçısının öldürülməsindən xəbər verib.
İraq Daxili İşlər Nazirliyinin sözçüsü- Səəd Məən şənbə günü bildirib ki, Əl-Qaidənin sərkərdəsi və onun İraqın şimalında yerləşən Səlahəddin vilayətinin mərkəzi olan Tikrit şəhərindəki iki müavini bu ölkənin təhlükəsizlik qüvvələri tərəfindən öldürülübdür.
İraq Daxili İşlər Nazirliyinin sözçüsü əlavə edib ki, bu ölkənin polisi həmçinin bir əməliyyatda həmin terrorçu sərkərdənin müavinlərindən daha ikisini həbs edə bilibdir.
Bu məlumatda Əl-Qaidə sərkərdəsinin adına işarə edilməyibdir.
