İran Atom Enerjisi Təşkilatının sədri xalqa xitabən bildirib ki, İran Rəhbərlik tərəfindən təyin olunmuş qırmızı xətdən hətta bir millimetr belə keçməyəcək.
Atom Enerjisi Təşkilatının sədri Əli Əkbər Salehi İran İslam Respublikasının Xəbər telekanalı ilə müsahibədə bildirib: Elə indidən Buşehr AES-i, xalqın məişət dövriyyəsinə daxil olub və ildə 7 milyon ton çirkləndiricinin qarşısını alır.
Ölkənin nüvə sənayesində müxtəlif radio-dərmanların istehsal olunduğuna toxunan Salehinin sözlərinə görə, Tehran Reaktoru heç vaxt yanacaqsız qalmayıb. İran 15 radio-dərman istehsal edə bilər. Bəzisi müayinə, bəzisi isə müalicə üçündür. Müayinə radio-dərmanları, ehtiyaca əsasən istehsal olunur.