28 aprel-1 may tarixlərində İran İslam Respublikası Milli İnkişaf Fondunun Direktorlar Şurasının üzvü və sədr müavini Bakıda rəsmi səfərdə olub.
Azərbaycan Respublikası Dövlət Neft Fondunun (ARDNF) İctimaiyyətlə əlaqələr departamentinə istinadən xəbər verir ki, Seyid Qasem Hüseyninin başçılıq etdiyi nümayəndə heyəti ARDNF-nin rəhbərliyi ilə ikitərəfli görüşlər keçirilib.
ARDNF İran rəsmilərinin Bakı səfərinin əsas məqsədi Neft Fondunun fəaliyyəti ilə daha yaxından tanımaq, Suveren Fondların Beynəlxalq Forumu çərçivəsində Neft Fondunun təcrübəsini öyrənmək, Santyaqo Prinsiplərinə əməl edilməsi və bu sahədə hesabatlılıq prosesi ilə daha yaxından tanış olmaqdır.
İran İslam Respublikası Milli İnkişaf Fondu ölkənin ən böyük kredit təşkilatı hesab edilir.