İlk dəfə olaraq İranda 3 vaqonlu hibrid avtobus istehsal edilib. “Metrubus” adlanan bu avtobusun təqdimat mərasimi Təbrizin Şəbistər mahalında keçirilib.
Bu məhsul modern texnologiyalardan istifadə edilərək və Euro-5 standartına uyğun olaraq düzəldilib. Belə ki, Metrobusun düzəldilməsində qaynaq və yivlərdən istifadə edilməyib. Onun çəkisi xarici analoqları ilə müqayisədə 35% daha azdır.
“Metrobus”un uzunluğu 25 metr, istismara yararlılığı isə 30 ildir. Onun əsas xüsusiyyətləri enerjiyə qənaət və havanın çirklənməsinin qarşısını almadır.