“Təkfirçilər, hamiləri üçün təhlükə mənbəyidir”

“Təkfirçi qruplaşmalar onları dəstəkləyənlərin özləri üçün təhlükə ola bilər”.
Bu sözləri İran İslam Respublikası xarici işlər nazirinin Ərəb və Afrika ölkələri üzrə müavini Səhər telekanalının Moskva müxbiri ilə müsahibədə deyib.

İran İslam Respublikası xarici işlər nazirinin Ərəb və Afrika ölkələri üzrə müavini deyib: Suriya istənilən hücuma möhkəm cavab vermək iqtidarındadır. ABŞ Suriyaya hücumla bağlı yanlış qərar çıxararsa, dünya Suriyanın güclü və gözlənilməz reaksiyasının şahidi olacaqdır.

Hüseyn Əmir Abdullahiyan əlavə edib: Digər ölkələrdən Suriyaya daxil olan təkfirçi və terrorçu qüvvələrin bu ölkədə olması ölkələrin və beynəlxalq təhlükəsizliyə arzuolunmaz təsirlər göstərə bilər.

“Unutmayaq ki, əl-Qaidə qruplaşması Əfqanıstanda yetişdirildi, amma 11 sentyabr hadisəsini Nyu-Yorkda törətdi” –deyə nazir müavini söyləyib.

Abdullahiyanın sözlərinə görə, İran həmişə elan edib ki, Suriyada terrorçu qruplaşmaların dəstəklənməsi beynəlxalq təhlükəsizliyə mənfi nəticələr göstərə bilər.