“İran İslam Respublikası, bu ölkə xalqı və İslam inqilabına hörmətsizlik etmək istəyən hər hansı bir xarici rəsminin qarşısında möhkəm dayanacaq.” Bu fikri İran Xarici Siyasət İdarəsinin rəhbəri Məhəmmədcavad Zərif səsləndirib.
Nazir, bu gün (18 dekabr) Tehranda rəhbərlik ofisi və İran dövlət universitetləri idarə heyəti üzvlərinin müştərək seminarında etdiyi çıxışında, ABŞ prezidenti Barak Obamanın Amerikada”Savan”sionist mərkəzində söylədiyi anti-İran sözlərinə işarə edərək deyib: Prezident Obama bu nəticəni əldə edib ki, İranın uranı saflaşdırma hüququnu görməməzliyə vurmaq olmaz. Zərif, həmçinin prezident Barak Obamanın “əgər İranın nüvə detalları ilə ətraflı tanış olsaydıq” məzmunlu ifadələrinə işarə edərək deyib: Bu sözlər Amerika daxilində əhəmiyyət kəsb edir və İran qarşısında ABŞ-ın zəifliyinə açıq aşkar bir etirafdır.
İranın xarici siyasət idarəsinin rəhbəri həmçinin çıxışının digər bir hissəsində Amerika prezidentinin küdurətli mövqeyi qarşısında özünün tutduğu məntiqli və diplomatik rəftarına işarə edərək xatırladıb: İİR hakimiyyətinin məsul rəsmilərinin rəftarı bu ölkə siyasətçilərinin göstəricisidir lakin diplomatik və məntiqli bir rəftar, başqalarının İran xalqına hörmətsizlik etmələrinə imkan verməyəcək.
Zərif vurğulayıb: İİR-nın nüvə müzakirəçiləri bu istiqamətdə inqilab prinsipləri və İran xalqının izzətini qoruyaraq bədxah qüvvələri meydandan qovmağa çalışır ki hər hansı bir kəs öz istəklərini İran xalqına sırıya bilməsin.