İran İslam Respublikası prezidentinin birinci müavininin iştirakı ilə bu gün Tehranda iki yeni-tərkibli dərman preparatının təqdimat mərasimi keçirilib.
İranın Elmi Araşdırmalar Şirkəti tərəfindən istehsal olunan “Retaplas” və “Pegastrin” adlı bu dərman preparatları vitse-prezident Məhəmməd Rza Rəhimi və prezidentin elm və texnologiya məsələləri üzrə müavini Nəsrin Sultanxahın iştirakı ilə keçirilən xüsusi bir mərasimdə təqdim olunub.
“Retaplas” ürək-damar xəstəlikləri, “Pegastrin” isə xərçəng xəstəliyinin müalicəsində təsirli vasitələrdən hesab olunur.
İranın Elmi Araşdırmalar Şirkətinin icraçı direktoru Müctəba Təbatəbayi deyib: Retaplas ürək-damar xəstəliklərindən əziyyət çəkən insanların müalicəsində ən son dərman preparatı hesab olunur və bu dərman preparatı qanı durultmaq və qan laxtalarını əritməklə qan dövranı prosesini yaxşılaşdırır.