Meksika başçıları deyirlər ki, Amerikada vətəndaş hüquqları liderlərindən olan Malkum-X-in nəvəsinin qətlə yetirilməsində şübhəli bilinərək həbs edilən iki nəfər zindana göndərilib və orada öz mühakimə zamanını gözləyəcək.
Mexiko-siti məhkəməsinin sözçüsü deyib ki, Devid Hernandez və Manuel Prez oğurluq və adam öldürməkdə ittiham olunur və paytaxt zindanında saxlanırlar.
Hər iki şübhəli mayın 13-də həbs olunub. Onlar bir klubda xidmətçi işləyirmişlər və Malkum Şabaz mayın 8-də orada kobud münaqişədə idi.
Bu dava Şabazın üzü və bədəninə bir çomaq və bir əsanın dəyməsi ilə başa çatdı. O, aldığı yaraların ağırlığı üzündən dünyasını dəyişdi.
Şabaz son zamanlar Amerikadan çıxarılmış bir mühacir fəal ilə görüşmək üçün Meksikaya getmişdi.
Şabaz ölümdən öncə iki kitab yazmaqda idi. O, Nyu-Yorkda yerləşən Con Ci kollecində də iştirak edirdi.
Fevralın 14-də ABŞ-dan kənarda olan mənbələr təsdiq etdilər ki, 2013-cü ildə İranda keçirilən Hollivudizm konfransında iştirak üçün hazırlıq görərkən FBI məmurları tərəfindən həbs olunub.
1984-cü il təvəllüdlü Şabaz, Beti Şabaz və Malkum-X-ın 2-ci qız nəvəsi Kubila Şabazın övladı idi.
Amerikada vətəndaş hüquqları üzrə təsirli bir lider və Malkum Şabazın babası olan Malkum-X 1965-ci il fevralın 21-də Nyu-Yorkda keçirilən siyasi bir aksiyada öldürüldü.