ABŞ-ın Müdafiə Təhlükəsizliyi İnformasiya Statistikasına istinad edən “Atom Alimləri”nin yayımladığı bülletenə əsasən, hal-hazırda sionist rejim cəbbəxanasında hazır 80 nüvə başlığı vardır.
Sionist rejim 2004-cü ildə nüvə başlıqlarının istehsalını dayandırıb. Buna baxmayaraq, hal-hazırda əlavə 190 nüvə başlığını istehsal etmək üçün yetərli nüvə maddələrinə malikdir.
“İsrail Times” adlanan internet portalı bu hesabata toxunaraq yazıb: İsrail 1967-ci ildən öz atom silahlarının istehsalına başlayıb və davamlı şəkildə öz nüvə cəbbəxanalarını genişləndirib. Tainki 2004-cü ildə hər il 2-3 başlıq istehsal edib. Bu hesabatda 2004-cü ildə nüvə başlıqlarının istehsalının dayandırılmasına dair sənəd və yaxud fakt təqdim olunmayıb. Lakin xatırlanır ki, hal-hazırda bu rejim 115-190 nüvə başlığı üçün lazımi nüvə maddələrinə malikdir.
Sionist rejim bu illərdə Nüvə Silahlarının Yayılmamasına dair sazişə qoşulmaqdan çəkinməklə və öz nüvə fəaliyyəti barəsində naməlum vəziyyət yaratmaqla qərb, xüsusilə də ABŞ-ın genişmiqyaslı himayələri sayəsində öz nüvə cəbbəxanaları üçün təhlükəsizliyə zəmin yaratmışdır.
Bundan öncə də beynəlxalq ekspertlər sionist rejimin nüvə başlıqlarının sayının 400 ədəd olduğunu bildirmişdilər. Həmçinin deyilənlərə görə, bu rejim öz nüvə başlıqlarından ballistik raketlər, təyyarə, sualtı gəmilərin raketlərində, eləcə də kruz raketlərində istifadə edə bilər.
Bu statistika Stokholmda Beynəlxalq Sülh Təhqiqatı İnstitutunun 2013-cü il illik kitabında da dərc olunmuşdur.
İngiltərənin The Guardian qəzeti məlumat verib ki, sionist rejimin 80 nüvə başlığından 50 nüvə başlığı orta mənzilli nüvə ballistik raketləri üzərinə quraşdırılıb və 30 nüvə başlığı da bombardmançı təyyarələr üzərində yerləşdirilib. Həmçinin bildirildiyinə görə mümkündür ki, sionist rejim nüvə silahlarından arsenallar kimi qeyri-strateji və məhv etmək xüsusiyyətli nüvə silahları istehsal etmiş olsun.
Bundan öncə 1986-cı ildə sionist rejimə xəyanət ittihamı ilə mühakimə olunan və həbs edilən bu rejimin sabiq nüvə alimi Mordxay Venononun məlumatlarına əsasən, bu rejim 100-dən çox nüvə başlığı istehsal etmişdir.
Bu hesabata əsasən, ABŞ 4650, Rusiya 4480, Fransa 300, Çin 250, İngiltərə 225, Pakistan 120 və Hindistan 110 nüvə başlığına malikdir.
Hal hazırda dünyada istifadəyə yararlı 10215 atom bombası mövcuddur ki, bu statistika 1986-cı ildə soyuq müharibə dövründə 64449 ədəd olmuşdur.
Bu hesabatda həmçinin əlavə olunur ki, Şimali Koreya bir neçə nüvə sınaqları aparsa da, istifadəyə yararlı atom bombasını əldə etmək üçün səylər göstərməlidir.