İraqın qərbində yerləşən Əl-Ənbar vilayətində İraq və Şam İslam Dövləti adlı terror qruplaşmasının ünsürlərindən 18 nəfər öldürülüb.
İraqın Nəhreyn Xəbər Agentliyinin verdiyi məlumata görə Əl-Ənbar vilayətindəki bir təhlükəsizlik mənbəyi bu gün cümə günü(28 mart) Falucə şəhərinin Amiriyyə məntəqəsində İraqın dövlət ordusu ilə İŞİD terror qruplaşması ünsürləri arasında baş vermiş toqquşmalara işarə edərək, bu toqquşmalar zamanı terrorçulardan 18 nəfərinin öldürüldüyünü və 18 terrorçunun isə yaralandığını bildirib.
Başqa bir xəbərə görə naməlum silahlı hücumçular bu gün cümə günü İraqın şimalında yerləşən Səlahoddin vilayətinin Süleyman Beyk məntəqəsində yerli məsul şəxslərinin birinin evinə hücum edərək, 3 mülkinin yaralanmasına səbəb olublar.