Asiya

Moskva terrorizmlə mübarizədə Dəməşqi dəstəkləyir

Moskva terrorizmlə mübarizədə Dəməşqi dəstəkləyir

Rusiya baş nazirinin müdafiə məsələləri üzrə müavini bu ölkənin beynəlxalq terror qrupları ilə mübarizədə Suriya hökumətini dəstəklədiyindən xəbər verib.

Ria Novosti-nin məlumatına görə, Rusiya baş nazirinin müdafiə məsələləri üzrə müavini Dmitri Roqozin Soçi liman şəhərində keçirilən Rusiya-Suriya Əməkdaşlıq Komissiyasının iclasında Rəsmi Dəməşqin terrorçu və ifratçı qruplarla mübarizə və ölkənin təhlükəsizliyinin təmini üzrə səylərini alqışlayıb.

Rusiya baş nazirinin müdafiə məsələləri üzrə müavini bu iclasda deyib: Bəşşar Əsədin Suriya prezident seçkilərində qalib gəlməsi bu ölkənin sabitliyi və təhlükəsizliyinin möhkəmlənməsi prosesinə müsbət təsir göstərdi və Moskva bu seçkilərin nəticəsini yüksək dəyərləndirir.
Roqozin əlavə edib: Suriya hökuməti terrorçularla mübarizə şəraitində seçkilər keçirdi və bu, Suriya hökuməti üçün böyük uğur sayılır.

Rusiya baş nazirinin müdafiə məsələləri üzrə müavini belə qeyd edib: Suriya prezident seçkiləri terrorçu qrupların onun keçirilməsinin qarşısını almağa can atdıqları bir halda uğurla keçirildi və hazırda bu seçkilərin Suriyanın vəziyyətindəki müsbət təsirlərinin şahidiyik.