Bu gün çərşənbə günü 1434-cü hicri qəməri ili Mübarək Ramazan ayının 15-i Şiələrin ikinci imamı Həzrət İmam Həsən Muctəba(ə)ın viladətinin ildönümü günüdür.
3-cü hicri qəməri ilinin Mübarək Ramazan ayının ortasında Mədinə şəhərində dünyaya göz açan İmam Həsən Müctəba(ə) Həzrət Əli(ə) və Əziz İslam Peyğəmbəri Həzrət Məhəmməd(s.ə.s)ın əziz qızı Xanım Fatimeyi-Zəhra(s)ın birinci övladıdır ki, Allah-Taala onlara inayət etdi.
İmamət və Vilayət səmasının ikinci parlaq ulduzu Həzrət İmam Həsən Müctəba(ə)ın viladətinin ildönümü günündə İslami İran, o cümlədən Müqəddəs Məşhəd şəhərində yerləşən İmam Rza(ə)ın pak məqbərəsi və müqəddəs Qum şəhərində yerləşən Həzrət Fatimeyi-Məsumə(s)ın pak ziyarətgahı şadlıq və sevinc içindədir.
İran İslam Respublikası Teleradio Təşkilatı bu mübarək gün münasibəti ilə bütün Əhli-Beyt(ə) aşiqləri və vurğunları , xüsusilə azəri şiələri təbrik edir.