Gülün Sarkisyan təbriki Azərbaycanı təəssüfləndirdi

Türkiyə prezidenti Abdullah Gül Serj Sarkisyanı yenidən Ermənistan prezidenti postuna seçilməsi münasibətilə təbrik edib.Bu məsələ Fevralın 22-də Azərbaycan Respublikasının Milli Məclisində müzakirəyə çıxarılıb.
Səhər kanalının internet saytı Bakı mediasına istinadən məlumat verir ki, Mübariz Qurbanlı Ermənistanda keçirilən seçkilərdə çox böyük saxtakarlıqla Sərkisyanın yenidən prezident seçildiyini dedi və prezident Gülün Sərkisyanı təbrik etməsindən təəssüf etdiyini bildirdi: “Türkiyə prezidentinin seçkidən dərhal sonra Sərkisyana təbrik göndərməsi bizi çox təəssüfləndirir”.

Fərəc Quliyev Türk Hava Yollarında erməni qəzetinin pulsuz yayılmasına etiraz etdi: “Mübariz bəy, biz hələ şükr etməliyik. Keçən dəfə Gül Sərkisyan üçün gözəl yeməklər hazırlatdırmışdı”.

Fazil Mustafa dedi ki, Gülün təbrikini Türkiyə əleyhinə kampaniyaya çevirmək yanlışdır. Təbii ki, belə tez addım atılmamalıydı.

Qüdrət Həsənquliyev isə deyib: “Gül müsəlmanların heysiyatına toxundu. Niyə Rusiya prezidenti ilə bərabər Türkiyə prezidenti də Sərkisyanı təbrik etdi?”

Zahid Oruc da dedi ki, “Gül bu təbriki ilə hətta erməni xalqının da qəzəbinə gəlib”.

İqbal Ağazadə isə Türkiyəyə qarşı çıxışlara qarşı çıxıb.
Siyavuş Novruzov da Türkiyəyə qarşı çıxışlara qarşı çıxdı.
Elman Məmmədov isə “Abdullla Gül Türkiyə deyil” dedi.

Türkiyə Prezidenti Abdullah Gülün Serj Sarkisyanı yenidən prezident seçilməsi münasibətilə təbrik etməsi Türkiyə üçün təhqirdir. Bu barədə cümə axşamı Trend-ə politoloq Vəfa Quluzadə deyib.
Quluzadə deyib ki, Gülün işğalçı ölkənin prezidentini təbrik etməsini anlamaq mümkün deyil.
“Məlumdur ki, Sarkisyan ölkədə seçkiləri saxtalaşdırıb və Ermənistanın demokratikyönlü əhalisinin düşmənidir. Gül təbriki ilə Ermənistanda mövcud olan diktaturanı dəstəkləyir?” – Vəfa Quluzadə bildirib.