Tehranın cümə namazının xətibi deyib: Cenevrə-2 beynəlxalq konfransı İran İslam Respublikasının iştirakı olmadan məğlubiyyətə məhkumdur.
Tehranın bu həftəki cümə namazının müvəqqəti xətibi Ayətullah Seyid Əhməd Xatəmi Suriya böhranının həlli üzrə Cenevrə-2 beynəlxalq konfransında iştirak üçün İran İslam Respublikasının dəvət olunmaması ilə bağlı ABŞ-ın təzyiqlərinə toxunaraq əlavə edib: İranın bu konfransda iştiraka ehtiyacı yoxdur. Lakin İranın iştirakı olmadan Cenevrə-2 beynəlxalq konfransı heç bir nəticəni əldə etməyəcək.
İranın islam dünyasından böyük qüdrət olduğunu və hər bir bir iclasda məntiqlə iştirak etdiyini bəyan edən Ayətullah Xatəmi söyləyib: İmperialist quruluşu belə bir prosesə qarşıdır.
Tehranın cümə namazının xətibi həmçinin İraqın qərbində əl-Anbar vilayətində terrorçularla mübarizədə bu ölkə hökumətinin səylərini alqışlayaraq vurğulayıb: Cinayətkar təkfirçilər ABŞ-ın dəstəyi ilə regionda, o cümlədən Suriya və Livanda terror aktları və cinayətlər törədirlər.
“ABŞ və müttəfiqləri de-stabil islam dünyası istəyirlər və regional cinayətlərdə iştirakla, toqquşma və cinayət və de-stabil vəziyyət yaratmaqla öz şeytani məqsədlərinə çatmaq üçün istifadə edirlər” –deyə Ayətullah Xatəmi əlavə edib.
Tehranın cümə namazının xətibi sünni alimlərini region ölkələrində təkfirçilərin cinayətlərini pisləməyə çağırıb.
Ayətullah Xatəmi sözlərinin davamında 9 dey (30 dekabr) qəhrəmanlığına toxunaraq xatırladıb ki, bu qəhrəmanlıq İran xalqının İslam Respublikası quruluşu və Vilayət-Fəqihlə əhd-peymanlarını təzələməsi idi.
Tehranın cümə namazının müvəqqəti xitabətçisi 2009-cu ildə İranda prezident seçkiləri keçirildikdən sonra fitnəkarların 8 aylıq fitnəçiliyini xatırladaraq əlavə edib: İran xalqı 9 deydə onlara islam quruluşunun arxasında olduğunu və İran İslam Respublikasının quruluşu ilə müttəfiq olduğunu nümayiş etdirdi.