İran İslam Respublikası cümə axşamı günü Türkmənistan paytaxtı Aşqabadda keçirilən 4-cü Beynəlxalq Novruz bayramı tədbirində bu şənliyin keçirilməsi ilə bağlı Türkmənistan prezidenti, hökuməti və xalqına təşəkkür edib və deyib: Hər Novruzda dostluqlar yenilənir, əməkdaşlıqlar genişlənir və münasibətlərin möhkəmlənməsində yüksək zirvələr xalqlarımızın xeyrinə olur.
İran İslam Respublikası prezidenti Mahmud Əhmədinejad deyib: Bəzi region ölkələri və bəzi dünya ölkələrinin amal və ümidlərinə baxmayaraq, de-stabil vəziyyət və müsibətlərlə üzləşmişik. Bu problemlərdə imperialist hökumətlərin təhriki və müdaxiləsinin kökü vardır. Onlar öz qüdrət və təhlükəsizlik mənafeyini digərlərinin yoxsulluğu və zəifliyində axtarırlar.
“İmperialistlər problemlər yaratmaq və qarşıdurmalar alovlandırmaqla özlərini daxili böhranlardan ayırmağa çalışırlar. Lakin daxili böhranların genişlənməsi və xalqların oyanması tezliklə imkanı onlardan alacaq və onlara bahar mədəniyyətinə təslim olmaqdan başqa çarə yolu qoymayacaq” –deyə İran prezidenti bildirib.
“Hamının anlaşması və əməkdaşlığı ilə regionun sülh və təhlükəsizliyi və öz ölkələrimizin mənafeyini təmin edə və dünyanın təhlükəsizliyi və inkişafı üçün addım ata bilərik” deyən Əhmədinejad xatırladıb: Əlbəttə hamımız ehtiyatlı olmalıyıq ki, mənfi keçmişə malik müstəmləkəçilər regionda yeni baza ələ keçirə, xalqların dostluğu və xeyirxahlığı adı ilə onları təhlükəli vəziyyətlə üzləşdirə və xalqların mənafeyini qarət edə bilməsinlər.
İran prezidenti deyib: Öz təbii və insani istedadlarımıza söykənərək xalqlarımızın inkişafında bir-birimizə dəstək və arxa ola bilərik. Allaha itaət, ilahi və insani dəyərlərə sevgi bizim həmrəyliyimizə zəmanət verir. Bahar və Novruz mədəniyyəti və coğrafi bağlılıq bizi maksimum şəkildə bir-birimizə yaxınlaşdırır.