Dəməşq şəhərinin əl-İman məscidində törədilən terror aktında 120-dən çox namaz qılan ölüb və yaralanıb.
Suriya Səhiyyə Nazirliyi bildirib: Bu terror aktında 42 nəfər həlak olub və 84 nəfər də yaralanıb. Əllamə əl-Buti və nəvəsi bu terror aktında həlak olanlar arasındadır.
Suriya prezidenti Bəşşar Əsəd Dəməşq şəhəri əl-İman məscidindəki terror aktında Əllamə əl-Butinin şəhid olması ilə bağlı başsağlığı verib, bu teraktı pisləyib və deyib: Gözlər ağlamalı, ürəkləri qəmgin olmalıdır. Ey Şam diyarının şeyxi! Biz sənin ayrılığında qəmginik.
Livan Hizbullahı da Əllamə əl-Butinin terror edilməsi və Dəməşqdə əl-İman məscidində namaz qılanların həlak olması ilə bağlı terror aktını pisləyib və bildirib: Bu dəhşətli cinayət vəhşiliyin bütün sərhədlərini aşmışdır.
Hizbullah Suriya xalqından istəyib ki, fitnəkarlıqlar və ölkənin viran olmasının qarşısında vahid sırada yer alsınlar.