Asiya

Sionist rejim Livan və Suriyanın hava məkanına təcavüz edib

Sionist rejim Livan və Suriyanın hava məkanına təcavüz edib

Sionist rejimin hərbi təyyarələri Livan və Suriyanın hava hüdudlarına təcavüz ediblər.

Livanın Əl-Minar telekanalı bir məlumatda qeyd edib : Sionist rejimin hərbi təyyarələri Livanın ” Boqa ” bölgəsinin hava məkanında uçuş əməliyyatları həyata keçirərək bu ölkənin hava hüdudlarına təcavüz ediblər.
Sionist rejimin hərbi təyyarələri habelə aşağı hündürlüklərdə uçuş əməliyyatları keçirib və Livanın şərqində ” Bəlbək ” şəhərinin hava zonasının üzərində bir neçə balon buraxıblar. Bu təyyarələr həmçinin sərhədlərdə Suriyanın hava hüdudlarını pozaraq, missiyalarını başa vurduqdan sonra Tələvivə dönüblər.
Livanın xarici işlər naziri ” Ədnan Mənsur ” İsrail rejiminin casusluq fəaliyyətlərinə etiraz olaraq ötən çərşənbə günü BMT-nin baş katibi Ban Ki Mona ünvanladığı şikayət ərizəsində Tələvivin casusluq fəaliyyətlərinə etirazını bildirmişdir.
Sionist rejimin hərbi təyyarələrinin Livan və Suriya sərhədlərində uçuş əməliyyatları keçirməsi göstərir ki, bu qeyri-legitim rejim müqavimətə qarşı fitnə xarakterli siyasətlərini qarşıya məqsəd qoyub .
Bu rejim Yaxın Şərq hövzəsində digər bir müharibə odunun alovlandırılmasına zəmin yaratmağa çalışır.