İyunun 14-də prezidenti seçkiləri ilə bir vaxtda keçiriləcək şəhər və kəndlər üzrə islam şurası seçkilərinə namizədlərin qeydə alınması bu gün başa çatıb.
Məntəqələr və kəndlərin məsul şəxsləri və bələdiyyə rəsmilərinin təyin edilməsindən tutmuş, bələdiyyələrin büdcələrinin hazırlanmasınadək geniş ixtiyarlara malik olan şuralara üzv olmaq üçün öz həmşəhərliləri və həmvilayətlərindən səs almaq istiqamətində geniş miqyasda namizəd qeydə alınmışdı.
Şəhər və kənd üzrə islam şuralarına üzvlüyə az rəğbət göstərməyən siyasi fəallardan əlavə, əhalinin digər təbəqələrini təmsil edənlər, o sıradan idmançılar, iş adamları, televiziya aparıcıları və hətta müğənnilər şəhər və kənd şuraları seçkilərinə namizəd olublar. İranda ən iri şəhər şurasını özünə aid edən Tehran şəhərində Mehdi Çəmran, Rəsul Xadim, Əlirza Dəbir, Abbas Şeybani və Hüseyn Rzazadə adlarını qeydə aldırıblar.
Bu arada İran Ticarət Palatasının Nümayəndə Heyətinin üzvü, “Motəlefeye eslami” partiyasının görkəmli üzvü – Əsədullah Əsgəroladi Qızıl və Cəvahhirat Birliyinin sədri – Məhəmməd Kəşti-Aray Tehran Şura seçkilərinə namizəd olmuş iki mühüm iqtisadi simadır. İranın keçmiş prezidenti və İİR Quruluşunun Məsləhət Şurasının sədri – Əli Əkbər Haşemi-Rəfsəncaninin oğlu, Tehran Metropoliteninin sabiq rəisi Möhsün Haşimi Tehranın İslam Şurasına keçiriləcək seçkilərə namizəd olanlar arasında nəzərəçarpacaq cəhətlərdən biridir. Tehran İslam Şurası 31 üzvə malik olacaq ki, onlar da Tehran merini seçməlidirlər. Tehranın hazırkı meri Qalibaf isə İran prezident seçkilərinə namizəddir.
Bu seçkilər də iyunun 14-də şəhər və kənd şura seçkiləri ilə bir vaxtda keçiriləcək. Bu iki mühüm seçki nəinki İran xalqının ümumi fikrini, həm də bir çox region və dünya ölkələrinin qüdrət mərkəzləri və medialarının da diqqətini çəkibdir. Zira, xüsusən İİR prezident seçkilərinin nəticələrinin ölkə daxilində, məntəqədə və dünya səviyyəli parametrlərdə böyük təsiri olacaqdır. Eyni zamanda, İranda güzəştlərin paylanmasının durumundan tutmuş, 5+1 qrupunun İranla müzakirələrinədək mühüm beynəlxalq məsələlərdə təsirli olacaqdır.