İran XİN sözçüsü ümidvarlıq edib ki, Azərbaycanda seçkilər xalqın razılığını əldə etsin

İran İslam Respublikası Xarici İşlər Nazirliyinin sözçüsü ümidvarlıq edib ki, Azərbaycan Respublikasında prezident seçkiləri xalqın razılığını cəlb etmiş olsun.

Abbas İraqçı bu gün Tehranda həftəlik mətbuat konfransında Səhər kanalı müxbirinin İranda azad seçki atmosferinin Azərbaycan seçkilərinə təsiri ilə bağlı sualına cavab olaraq deyib: “Azərbaycan İranın qonşusu və dost bir ölkədir. İki ölkə arasında çoxlu tarixi, ictimai, mədəni və siyasi ortaqlıqlar var. Biz daim bu ölkənin ərazi bütövlüyü və hakimiyyət haqqına hörmət etmişik. Bu ölkədə keçirilən seçkilərə də bu prizmadan yanaşırıq. Ümidvarıq bu ölkədə də prezident seçkiləri yüksək səviyyədə keçirilsin. Çünki, prezident seçkiləri hər bir ölkənin daxili məsələsidir və ümidvarıq bu ölkədə keçiriləcək seçkilər xalqın razılığını ən yüksək səviyyədə əldə etmiş olsun və bu ölkə prezidentliyinə ən səlahiyyətli şəxs seçilsin.”
İran XİN sözçüsü İran İslam Respubikasının Qarabağ münaqişəsinin həlli istiqamətindəki səyləri və son zamanlar Qarabağ fəallarından ibarət bir qrupun İrana səfər etməsi haqda da dedi: “Qarabağ məsələsi qarşısında İranın mövqeyi aydındır və bu mövqeyə heç bir dəyişiklik edilməyib. Biz bu qənaətdəyik ki, məsələ ikitərəfli danışıqlar yolu ilə həll ediləsidir. Adəti üzrə, nə zaman lazım olarsa, münaqişə tərəfləri ilə müzakirələrə hazırıq. Amma, hal hazırda münaqişə tərəfləri məsələni Minsk Qrupu çərçivəsində izləməyə üstünlük verib. Hər halda biz Qarabağ məsələsi ətrafında sülhə nail olmaq üçün əməkdaşlığa və yardıma hazırıq.”