Misirdə xalq etirazlarının davam etdiyi bir halda, bu ölkənin müvəqqəti baş naziri öz Nazirlər Kabinetinin üzvlərini təyin etmək üçün məsləhətləşmə aparmaqdadır.
Ötən gecə Qahirə şəhərinin meydanlarından birində toplaşan Misirin kənarlaşdırılmış prezidenti Məhəmməd Mursinin tərəfdarlarından bir qrupu camaat namazından sonra Quranın qiraəti mərasimini keçirib.
Bununla yanaşı France 24 telekanalı bildirib: Məhəmməd Mursi tərəfdarı olan etirazçılar kənarlaşdırılmış prezidentin iqtidara qayıdacağı zamana qədər etirazlardan əl çəkməyəcəklərini və mənzillərinə geri dönməyəcəklərini bildirirlər.
