Hər il milyonlarla insan ayaqyalın olaraq Şəhidlər Ağası Həzrət İmam Hüseyn(ə)ın məqbərəsini ziyarət etmək üçün Kərbəlaya yollanırlar.
Bu il də milyonlarla İmam Hüseyn(ə) aşiqi olan insan müqəddəs Kərbəla şəhərindədirlər və əzadarlıq edirlər. Bəziləri isə müqəddəs Kərbəla şəhərinə səfər imkanına malik olmayıblar. Tehranda İmam Hüseyn(ə) aşiqi olan və Kərbəlaya səfər imkanına malik olmayan milyonlarla insan tam zövq-şövqlə əzəmətli bir yürüş təşkil edərək, İmam Hüseyn(ə) meydanına toplaşıb, Həzrət Əbdüləzim Həsəni(ə) məqbərəsinə doğru yola düşüblər. İmam Hüseyn(ə) aşiqi olan milyonlarla insan bildirirlər ki, İmam Hüseyn(ə)ın buyurduğuna görə, Həzrət Əbdüləzim Həsəni(ə)ın məqbərəsini ziyarət edə bilən şəxs, elə bil ki, İmam Hüseyn(ə) məqbərəsini ziyarət edibdir. Tehranda müqəddəs Kərbəla şəhərinə səfər imkanı olmayan milyonlarla İmam Hüseyn(ə) aşiqi olan şəxsin bu hərəkəti alqışa layiqdir.
