Təhlükəsizlik mənbələri bazar günü gecə bildiriblər ki, Livanın şimalında, Tripoli şəhərində bir-biri ilə düşmən olan iki məhəllə sakinləri arasında çıxan toqquşmada 5 nəfər həlak olub.
Bu 5 nəfərin həlak olması ilə şənbə günündən başlanan qanlı toqquşmalarda ölənlərin sayı 13-ə çatıb. Toqquşmalarda bir hərbçi də həyatını itirib.
Toqquşmanın baş verməsi ilə təhlükəsizlik qüvvələri bir-biri ilə düşmən olan iki məhəlləni bir-birindən ayıran Suriya prospektində yoxlama-buraxılış məntəqəsi yaradıblar.