İnsan Haqlarına Nəzarət Təşkilatının Yaxın Şərq məsələlərinə nəzarət bölməsinin müdiri və onun müavini ayrı ayrılıqda yayımladıqları müraciətlərdə Aryel Şaronun ölümündən öncə mühakimə edilməməsindən təəssüfləndiklərini bildiriblər.
Liya Vitson bu barədə deyir: Şaronun ölümü bu məsələni xatırladır ki, insan haqlarının pozulmasına görə məsuliyyətdən yayınmaq belə israillilərlə fələstinlilər arasında sülhün bərqərar edilməsinə kömək edə bilmədi.
Vitsonun müavini Nədim Huri də Tvitter səhifəsində Şaronun ölümünə reaksiyada onun mühakimə edilməməsini utandırıcı hal adlandırıb.
Sionist rejimin sabiq baş naziri Aryel Şaron Livanda fələstinli didərginlərin qaldığı Səbra və Şətila düşərgəsində törətdiyi cinayətlərə görə “qəssab” ləqəbi ilə tanınır.
Şaronun ölümü fələstinlilər habelə, Livanın cənub sakinləri arasında sevinclə qarşılanıb.