Bəhreynli fəhlələr bu ölkə hökumətinin siyasi fəaliyyətlər bəhanəsi ilə fəhlələri işdən çıxarmaq üzrə qərarına etiraz olaraq oturaq aksiyası keçiriblər.
Bir qrup bəhreynli fəhlə çərşənbə günü ( 22 yanvar ) paytaxt Manamanın cənubunda yerləşən bu ölkənin əmək nazirliyinin binası qarşısında oturaq aksiyası keçirərək , Bəhreynin Dövlət Qurumlarının intiqam xarakterli bir hərəkətdə fəhlələri dinc etiraz aksiyalarında iştirak etmək bəhanəsi ilə işdən çıxardıqlarını elan ediblər.
Bəhreynli fəhlələr , onların həyat vəziyyətlərinin işsizliyə görə son üç ildə daha da gərginləşdiyini bildiriblər.
Ali-Xəlifə rejimi özünün repressiya siyasətlərinin davamında bir çox bəhreynli fəhləni dinc etiraz aksiyalarında iştirak etmək bəhanəsi ilə işdən çıxarır , yadakı onların əmək müqaviləsini naməlum müddətə qədər ləğv edir.
Başqa tərəfdən Bəhreyn vətəndaşları bu ölkənin müxtəlif məntəqələrində dinc etiraz aksiyaları təşkil edərək , Ali-Xəlifə rejimindən özlərinin tapdalanmış hüquqlarının yenidən bərpa edilməsi və Bəhreyn də islahatların həyata keçirilməsini istəyiblər.
