Bakı məhkəməsinin ədalətsiz qərarına reaksiyalar davam edir
Bakı məhkəməsinin hicabın qeyri-qanuni qadağan olunmasına etiraz üzrə aksiyalarda iştirak edənlərə qarşı ağır qərarları Azərbaycan Respublikasının siyasi qurum və partiyalarının reaksiyası ilə üzləşib və onlar bu qərarları ədalətsiz adlandırıblar.
Salam-News İnformasiya Agentliyinin məlumatına görə, bu reaksiyaların davamında Azərbaycan Xalq Cəbhəsi öz məsləhət iclasında məhkəmənin qərarlarını müstəbidlik və bəşəriyyətə qarşı adlandırıb və əlavə edib: Azərbaycan Respublikası məhkəməsi bazar ertəsi günü 8 nəfəri hicab qadağasına qarşı 2012-ci il 5 oktyabr aksiyasında iştirak etdiyinə görə, 5-6 il həbsə məhkum edib.
Müttəhimlərdən heç biri və onların vəkillərinin bu ittihamları qəbul etmədikləri bir halda, məhkəmə hökumətə qarşı hərəkət, polisə qarşı zor tətbiqetmə və ictimai asayişi pozmağı bu 8 nəfərin məhkumluğunun səbəbləri elan edib.
Azərbaycan Respublikası Təhsil Nazirliyi qarşısında 5 oktyabr aksiyaları zamanı təxminən 50 nəfər həbs olunub.
Məhkəmə hakimi- Abbas Əliyevin sifarişli qərarına əsasən, Davud Kərimov- 6 il, Telman Şirəliyev- 6 il, Tərlan Ağadadaşov- 5 il 6 ay, Anar Qasımlı- 5 il 6 ay, İlham Hətəmov- 5 il 6 ay, Ceyhun Quliyev- 5 il, Rövşən Allahverdiyev- 5 il 6 ay, və Murad Quliyev- 5 il həbsə məhkum olunublar.
Azərbaycan Respublikasında hicab qadağasına etirazlar 2010-cu ilin dekabrdan başlanıb. 2011-ci il yanvar ayından indiyə qədər onlarla islam fəalı və hicabı müdafiə edən ruhani, o cümlədən Azərbaycan Respublikası İslam Partiyasının sədri və bir qrup üzvü hicab qadağasına etiraz etdiyinə görə, saxta ittihamlarla uzun müddətə azadlıqdan məhrum olunmuşdur.
Azərbaycan Respublikası Təhsil Nazirliyi 2010-cu ilin dekabr ayında bu ölkənin konstitusiyasına zidd bir bildirişdə vahid məktəbli geyimi qanununun icra olunması bəhanəsi ilə hicablı şagirdlərin orta məktəblərə gəlmələrini qadağan etdi. Bu da geniş etirazlara səbəb oldu.