İran xarici işlər nazirinin Ərəb və Afrika ölkələri işləri üzrə müavini beynəlxalq Cenevrə-2 konfransı ilə eyni zamanda ABŞ-ın Suriya terrorçularına silah göndərməsini Ağ Evin Suriya böhranının həlli ilə əlaqədar tədbirsizliyi kimi qiymətləndirib.
Hüseyn Əmir Abdullahiyan müxbirimizlə müsahibədə söyləyib: Suriya terrorçularına bir daha silah və təchizat göndərmək səhvdir çünki Suriya böhranının hərbi yolu olsaydı ötən üç ildə həll olunmalı idi.
Əmir Abdullahiyan vurğulayıb : Cenevrədə siyasi nümayiş keçirib eyni halda məsuliyyətsiz terrorçu və silahlı qrupları himayə etməklə Suriya xalqının çəkdiyi əziyyətə son qoymaq olmaz.
İran xarici işlər nazirinin müavini təkidlə bildirib : Suriya böhranının həll yolu bu ölkə xalqının səsi ilə demokratik seçkilərin keçirilməsidir.